पोखरा, २६ फागुन । पोखराको फेवातालमा कार खस्दा कारमा सवार ४ जना घाइते भएको छ ।
खपौदीबाट लेकसाइडतर्फ आउदै गरेको ग २ च ६९१२ नम्बरको कार सोमबार बिहान ११ः४५ बजे रातोमाटो डाँडा नजिकै सडकबाट करिब सय मिटर तल फेवातालमा कार खस्दा चालक सहित ४ जना सामान्य घाइते भएको प्रहरीले जनाएको छ ।
घाइते हुनेमा लेकसाइड बस्ने चीरण बस्नेत, संजय यादव, चालक राजु पहारी र उनकी २ बर्षीया छोरी राविया पहारी रहेको बुझिएको छ ।
