पोखरा, १४ चैत । कोरोना भाइरसको महामारी रोक्न लागु गरिएको लकडाउनका कारण अलपत्र परेका ५८ जना पर्यटकलाई शुक्रवार अपराह्न चार्टर्ड विमानबाट काठमाडौं प्रस्थान गरेका छन् ।
पदयात्राबाट फर्किएका र पोखरा आसपासमा घुम्न आएका पर्यटक लकडाउनका कारण अलपत्र परेको पर्यटकलाई यति एयरलायन्सको विमानबाट काठमाडौं लगिएको हो ।
अलपत्र परेका पर्यटकहरुलाई सम्बन्धित देशका दूतावासले यति एयरलायन्सको विमान चार्टर्ड गरेको पोखरा एयरपोर्ट स्रोतले जनाएको छ ।
शुक्रबार काठमाडौं जाने पर्यटकहरूमा स्वीस्, जर्मन, फ्रान्स लगायतका देशका नागरिकहरु रहेको जनाइएको छ । यसअघि बिहीबार फ्रान्सेली दूतावासले विमान चार्टर्ड गरेर आफ्ना नागरिक पोखराबाट काठमाडौं लगेका थिए ।
