पोखरा । नेपालमा थप ७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले सोमबार थप ७ जनामा संक्रमण पुष्टि भएसँगै संक्रमितको संख्या ६ सय ८२ पुगेको जनाएको हो ।
मन्त्रालयका प्रवक्ता डा. विकास देवकोटाका अनुसार थपिएका नयाँ संक्रमितहरुमध्ये अछामका १, बर्दियाका ३, पर्साका १, काठमाडौंमा १ र बराका मृतक गरी कुल थप ७ जना रहेको बताए । सोमवार बिहान मात्रै ७२ जनामा कोरोना संक्रमण पुष्टि भएको थियो ।
हालसम्म कोरोना संक्रमितको उपचारपछि निको भई ११२ जना डिस्चार्ज भएका छन् भने ४ जनाको मृत्यु भएको छ ।
हालसम्म पीसीआर विधिबाट ५१ हजार ६४२ र आरडीटी विधिबाट ९५ हजार १९२ नमूना परीक्षण भएका छन । मुलुकभर आइसोलेसनमा ५ सय ६७ जना रहेको छ ।
