गण्डकी प्रदेशमा शनिबारमात्रै १०८ जना कोरोना संक्रमित थपिएका छन् । योसँगै गण्डकीमा संक्रमितको संख्या ४८८ पुगेको छ ।
शनिवार बिहान ७ जिल्लाका ५८ जनामा कोरोना पुष्टि भएको थियो । साँझ ४ जिल्लाका ५० जना थप भएका हुन् ।
अहिलेसम्म मुस्ताङबाहेक प्रदेशका १० जिल्लामा कोरोना संक्रमित भेटिएकोमा पहिलोपटक मुस्ताङमा पनि कोरोना संक्रमण पुष्टि भएको छ । जिल्लाको घरपझोङ गाउँपालिकाका ८३ वर्षे वृद्धमा संक्रमण पुष्टि भएको हो ।
गण्डकी प्रदेशमा हालसम्म एक जनाको मृत्यु भएको छ ।
