तस्विरः मनशान्त घिमिरे
पोखरा । अविरल वर्षाका कारण नदी तथा खोलामा पानीको सतह बढेको छ । पानीको सतह बढ्दा नदी छेउछाउ रहेका स्थानीय त्रसित छन् । पोखराको रामघाटमा राती पानीको सतह निकै माथि आएको थियो । स्थानीयका अनुसार अहिलेसम्मकै दोस्रो पटक यस्तो अवस्था आएको हो । अहिले पानीको सतह धेरै घटिसकेको र अझै घट्ने क्रममा रहेपनि पानी परिरहेकोले बस्तीसम्मै पानी आउने हो कि भनेर अझै त्रसित छन् । यस्तै वर्षा भइराखे बस्ती डुबानमा पर्ने सम्भावना रहेको उनीहरु बताउँछन् ।
त्यस्तै पोखरा–१२ स्थित कमलपोखरीमा बाढीले गर्दा स्थानीय घरहरुमा पानी पसेको छ । त्यस्तै पोखराका विभिन्न क्षेत्रमा पहिरोको कारण ज्यान गुमाएका छन् भने बस्ती आसपासमा पनि भेल पसेको छ ।
तस्विरमा हेरौं पोखरा रामघाटलगायत विभिन्न भागका डुबान तथा बाढी ।
