पोखरा, २७ असार । नेपालमा थप ७० जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना संक्रमितको संख्या १६ हजार ७ सय १९ पुगेको मन्त्रालयका प्रवक्ता डा. जागेश्वर गौतमले बताए ।
प्रवक्ता गौतमका अनुसार हालसम्म कुल २ लाख ७९ हजार ५ सय ९९ जनाको पीसीआर परीक्षण भएको छ । त्यसैगरी हालसम्म आरडीटी विधिबाट ३ लाख १२ हजार ४ सय २ जनाको परीक्षण भएको छ ।
त्यसैगरी क्वारेन्टाइनमा २४ हजार ९७ जना रहेका छन् । यस्तै आइसोलेसनमा ८ हजार २ सय ३९ जना संक्रमितहरु उपचाररत रहेका छन् । पछिल्लो २४ घन्टामा ४ सय ३१ जना निको भएर घर फर्किएका छन् । हालसम्म निको हुनेको संख्या ८ हजार ४ सय ४२ पुगेको छ ।
