फोटोः गंगा घले
कोरोना भाइरस (कोभिड-१९) को विश्वव्यापी महामारीको कारण नेपाल सरकाले चैत्र महिनावाट लकडाउन (बन्दाबन्दी) गरेसँगै त्यसको प्रत्यक्ष असर पर्यटन क्षेत्रमा पनि परेको छ । परम्परागत कृषि तथा पशुपालनको लागि प्रशिद्ध लमजुंग जिल्लाको सुन्दर गाउँ घलेगाउँ विगत केहि बर्ष अगाडि वाट दक्षिण एशियाकै नमुना घरबास (होमस्टे) का लागि प्रख्यात छ ।
मनास्लु तथा अन्नपूर्ण हिम श्रृंखलाहरुको मनमोहक दृश्य, गुजुमुच्च परेको सुन्दर गुरुङ गाउँ, संस्कृति तथा अतिथि सत्कार, संरक्षण गरेर राखिएका बनजंगल हरियाली अनि शितल हावापानीका कारण घलेगाउँले प्रशिद्धि कमाएको छ ।
हाल स्मार्ट भिलेज उपनाम वाट परिचित घलेगाउँमा लकडाउन भन्दा अगाडि आन्तरिक तथा वाह्य पर्यटको घुँइचो लाग्थ्यो । पर्यटकको आगमन ठप्प भएपछि परिश्रमी घलेगाउँ बासीहरु पुनः खेतिपाती तथा पशुपालनमा ब्यस्त हुन थालेका छन् ।
