पोखरा, १९ साउन । पछिल्लो २४ घण्टामा थप ४ सय १५ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना संक्रमितको संख्या २० हजार ७ सय ५० पुगेको मन्त्रालयका प्रवक्ता डा.जागेश्वर गौतमले बताए । सोमवारसम्म ५ हजार ७ सय ३२ जना संक्रमितको उपचार भइरहेको मन्त्रालयले जनाएको छ ।
प्रवक्ता गौतमका अनुसार पछिल्लो २४ घण्टामा ७ हजार ६ सय ३७ जनाको पीसीआर परीक्षण भएको छ । हालसम्म कुल ३ लाख ९८ हजार ९ सय ७ जनाको पीसीआर परीक्षण भएको छ ।
त्यसैगरी सोमवारसम्म क्वारेन्टाइनमा १० हजार ४ सय ५२ जना रहेका छन् । पछिल्लो २४ घन्टामा ३ सय ५८ जना निको भएर घर फर्किएका छन् । हालसम्म निको हुनेको संख्या १४ हजार ९ सय ६१ रहेको प्रवक्ता डा गौतमले बताए ।
