काठमाडौं । नेपाल कम्युनिष्ट पार्टी (नेकपा) का कार्यकारी अध्यक्ष पुष्पकमल दाहाल ‘प्रचण्ड’को निजी सुरक्षा दलका ६ जना सदस्यलाई कोरोना भाइरसको संक्रमण पुष्टि भएको छ ।
नेपाल प्रहरी अस्पताल, महाराजगञ्जमा गरिएको परीक्षणमा ६ जना प्रहरी अधिकारीलाई संक्रमण देखिएको हो ।
प्रचण्ड सचिवालय स्रोतका अनुसार अध्यक्षको बाहिरी घेरामा खटिने ६ जना सुरक्षाकर्मीको रिपोर्ट पोजिटिभ आएको हो। प्रचण्डको सुरक्षामा खटिने ६ जनाको पीसीआर रिपोर्ट पोजिटिभ आएसँगै अन्यको स्वाब संकलनको तयारी भइरहेको छ।
