सन थापा
जापान अगष्ट ९ ।
आज भन्दा ठीक ७५ वर्षअघि अर्थात् सन् १९४५ अगष्ट ९ बिहान ११ बजेर २ मिनेट जाँदा अमेरिकाले दोस्रो विश्वयुद्धको नागासाकी शहरमा परमाणु बम खसालेर ध्वस्त बनाएको थियो।
बम आक्रमणबाट तत्कालीन समयमा ७३ हजार ८ सय ८४ जना मारिएका थिए भने ७४ हजार ९ सय नौ जना घाईते भएका थिए। त्यसैगरी १८ हजार ४ सय नौ घर ध्वस्त भइ १ लाख २० हजार ८ सय २० नागरिक घरबारविहीन बन्न पुगेका थिए । ६.७ किलोमिटरसम्म क्षति पुर्याएको थियो । बमबाट निस्केको विकिरणले अपूरणीय पर्यावरणीय क्षति पारेको तत्कालीन समयमा नागासाकीको जनसंख्या करीव २ लाख ६३ हजार रहेको थियो। २०२० जून १ को तथ्याङ्क अनुसार नागासाकीको जनसंख्या ४ लाख ७ हजार ६ सय २४ जना रहेको छ । जापानको दक्षिणपश्चिम क्युशु क्षेत्रमा पर्ने नागासाकी २४०.७१ बर्ग किमी जमिन र १६५.१५ बर्ग किमी गरी कुल ४०५.८६ बर्ग किमीमा फैलिएको छ ।
नागासाकीमा परमाणु बम बिस्फोट पछिको ध्वस्त शहर:
त्यसैगरी नागासाकीमा परमाणु बम खसालेको तीन दिनअघि हिरोसिमा शहरमा समेत परमाणु बम खसालेको थियो। बमले १ लाख ४० हजार जापानी नागरिकको मृत्यु भएको थियो ।
यसैबीच जापानका प्रधानमन्त्री शिन्जो आवेले जापानी भूमिमा आणविक हतियारको स्वामित्व, उत्पादन र अनुमति नदिने सम्बन्धी गैरआणविक तीन सिद्धान्त पालना गर्ने बताएका छन् । नागासाकीस्थित शान्तिपार्कमा आयोजित समारोहलाई आईतबार सम्बोधन गर्दै आवेले आणविक निशस्त्रीकरणमा अडान लिने देशहरूको बीच पुलको काम गर्दै आएको बताए ।
उनले आणविक हतियार विनाको संसारलाई महशुस गराउने दिशामा कडा कदम चाल्न एकीकृत प्रयासको लागि अन्य राष्ट्रहरूलाई अपील समेत गरे। परमाणु हतियारको प्रयोगले मानवीय र प्राकृतिक भयावह क्षति हुने भन्दै शान्तिलाई कुनै कुराले विजय गर्न नसक्ने र शान्ति अनमोल रहेको आवेको भनाई थियो। उनले परमाणु बमबाट बाँच्न सफल नागरिकलाई स्वास्थ्य उपचार,कल्याणमा सहयोग गर्ने प्रतिवद्धता व्यक्त गर्दै उनीहरूबाट यथार्थ बुझ्ने प्रयास जारी राख्ने बताए ।
त्यसैगरी नागासाकी शहरका मेयर तोमिहिसा ताउएले आणविक हतियारको खतरा विश्वकै साझा मुद्धा भएको भन्दै परमाणु हतियार निषेध सम्बन्धी हस्ताक्षर र अनुमोदन गर्न आग्रह गरे। प्रत्येक वर्ष हुने उक्त शान्ति प्रार्थना समारोहमा यस वर्ष कोरोना संक्रमणको कारण न्यून सहभागीता रहेको थियो ।
परमाणु बम विष्फोटनको केन्द्रमा निर्मित स्तूपा
परमाणु बममा परी घाइते, जलेको लगाउने लुगा अनि पैसाको तस्वीर
तस्वीरमा अहिलेको नागासाकी
एक तस्वीरमा पहिले र अहिलेको नागासाकी
