फाइल तस्विर
पोखरा, ३० साउन । नेपालमा कोरोना भाइरस (कोभिड–१९) संक्रमणबाट मृत्यु हुनेको संख्या ९९ पुगेको छ । शुक्रवारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले थप ४ जनाको मृत्यु भएको पुष्टि गरेका हुन् ।
थप भएका मृतकमा मोरङ, सिराहका एक/एक जना पुरुष र बाराका २ जना पुरुष गरी ४ जना रहेका प्रवक्ता गौतमले जानकारी दिए । योसँगै नेपालमा कोरोनाबाट मृत्यु हुनेको कुल संख्या ९९ पुगेको छ ।
नेपालमा आईसीयूको क्षमता संख्या ९ सय ४२ छ भने भेन्टिलेटर ४ सय ९६ रहेको प्रवक्ता गौतमले जानकारी दिए । शुक्रवारसम्म ९८ जना आईसीयूमा उपचारत छन् भने ४ जनालाई भेन्टिलेटरमा राखेर उपचार गरिएको उनले जानकारी दिए ।
