
काठमाडौँ । नेपाली काँग्रेसको सभापति चयनका लागि पुनः मतदान हुने भएको छ ।
आइतबार बिहान सकिएको मतगणनामा सभापतिका उम्मेदवार शेरबहादुर देउवाले अरुले भन्दा बढी मत पाए पनि निर्वाचित हुन आवश्यक बहुमत जुटाउन सकेनन् ।
सुरुदेखि नै अग्रता लिए पनि देउवाले २२५८ मत मात्र पाए । उनलाई ८२ मत पुगेन । डाक्टर शेखर कोइरालाले १७४९ मत ल्याएका छन् ।
आइतबार भएको मतदानमा ४६७९ मत खसेको थियो । कुनै पनि उम्मेदवार निर्वाचित हुन २३४० मत चाहिन्छ ।