
काठमाडौं । डा. मिनेन्द्र रिजालले रक्षा मन्त्रीबाट राजीनामा दिने घोषणा गरेका छन् ।
उनले सामाजिक सञ्जालमार्फत यस्तो जानकारी गराएका छन् । “नेपाली कांग्रेसको चौधौं महाधिवेशनमा मैले प्रतिष्पर्धा गरेको महामन्त्री पदको प्रारम्भिक परिणामबाट नै स्पष्टरुपमा प्राप्त सन्देशलाई दृष्टिगत गर्दै रक्षामन्त्रीको पदबाट राजीनामा दिने निर्णय लिएको छु । अन्तिम परिणाम प्राप्त हुनासाथ सम्माननीय प्रधानमन्त्रीसमक्ष राजीनामा पेश गर्नेछु,” रिजालले भनेका छन् ।
रिजालले आज बिहीबार चार बजे पत्रकार सम्मेलन गर्दै छन् ।
पत्रकार सम्मेलन रक्षा मन्त्रालयमै आयोजना गरिएको रिजालको सचिवालयले जानकारी दिएको छ । नेपाली काँग्रेसका महामन्त्री पदमा उठेका रिजालले मतगणनामा पछि परेपछि राजीनामा दिने घोषणा गरेका हुन् ।