पोखरा । कास्कीको रूपा गाउँपालिकामा नेकपा (एमाले)का उमेदवार विजयी भएका छन् ।
सोमबार दिउँसो सार्वजनिक अन्तिम मत परिणामानुसार एमालेका नवराज ओझा गाउँपालिकाको अध्यक्षमा विजयी भएका हुन् । उनले पाँच हजार ७४९ मत ल्याएका छन् । अध्यक्षमा पराजित उनका निकटतम प्रतिस्पर्धी नेपाली कांग्रेसकी उमेदवार गिमाया गुरुङले चार हजार १३७ मत प्राप्त गरिन् ।
ओझा यसअघि पनि अध्यक्ष थिए । उपाध्यक्षमा पनि एमालेका उमदेवार लालसुबा गुरुङ पाँच हजार ४४५ मतका साथ विजयी भइन् । उनका निकटतम प्रतिस्पर्धी कांग्रेसका नारायणकुमार श्रेष्ठले चार हजार ३७० मत ल्याए ।
सातमध्ये १ नम्बर वडामा कांग्रेसबाहेक सबै वडा एमालेले जितेको छ ।
