नेकपा एकीकृत समाजवादी स्याङ्जाका अध्यक्ष विष्णु गिरी नाबालिग बलात्कार आरोपमा पक्राउ परेका छन्। नाबालिकालाई बलात्कार गरेको आरोपमा फागुन २० गते गिरीलाई स्याङ्जाबाट पक्राउ गरिएकाे कास्की प्रहरीले जनाएकाे छ ।
फागुन २ गते जबरजस्ती करणी मुद्दामा जिल्ला अदालतले पक्राउका लागि अनुमति दिएको हो । स्याङ्जा पुतलीबजार नगरपालिका–१४ का ५१ वर्षीय गिरीलाई जिल्ला अदालत कास्कीले ६ दिन हिरासतमा राखेर अनुसन्धन गर्न अनुमति दिएको छ ।
गिरी नेकपा एकीकृत समाजवादी गण्डकी प्रदेशका उपाध्यक्ष समेत हुन्।
