पोखरा । गण्डकी प्रदेश सरकारको नीति तथा कार्यक्रम पारित भएको छ । मंगलबार बसेको बैठकमा मुख्यमन्त्री कृष्णचन्द्र नेपाली पोखरेलले जवाफ दिएपछि नीति कार्यक्रम पारित भएको हो ।
सभामुख नेत्रनाथ अधिकारीले नीति तथा कार्यक्रम मंगलबार बहुमतबाट पारित भएको घोषणा गरेका हुन् ।
प्रदेश प्रमुख सीताकुमारी पौडेलले सोमबार सरकारको नीति तथा कार्यक्रम प्रदेश सभा बैठकमा पेस गरेकी थिइन् । त्यसमाथि छलफलसमेत गरी मंगलबार पारित गरिएको हो । नेपाली कांग्रेस नेतृत्वमा गठित सरकारलाई प्रदेश सभाका बहुमत ३१ सांसदको समर्थन छ ।
