धादिङ । धादिङको त्रिपुरासुन्दरी गाउँपालिका स्थित आगिञ्चोक गोलाङ खवासेमा गएको पहिरोमा परी घर पुरिदा एकै परिवारका ३ जनाको मृत्यु भएको प्रहरीले जनाएको छ ।
अविरल वर्षासँगै सोमबार राति आएको पहिरोले घर पुर्दा २६ वर्षिय सम्झना खाँण २८ वर्षिय मिलन खाँण र उनीहरुको दुई वर्षीया छोरी २ वर्षीया अन्जिता खाँणको मृत्यु भएको प्रहरीले जनाएको छ ।
अहिले घटना स्थलमा प्रहरी पुगि सकेको र स्थानीयको सहयोगमा मृतकहरुको शव निकालिएको जिल्ला प्रहरी कार्यालय धादिङका प्रवक्ता डीएसपी रुपक खड्काले जानकारी दिए ।
आइतबारदेखि परेको लगातारको वर्षाले धादिङका विभिन्न ठाउँमा पहिरो गएको छ । विभिन्न ठाउँमा आएको पहिरो र बाढीले पृथ्वी राजमार्ग अबरुद्ध छ ।
