पोखरा, २० असोज । पोखराका २३ जनासहित गण्डकी प्रदेशमा ४५ जना कोरोना संक्रमित थप भएका छन् । गण्डकी प्रदेश स्वास्थ्य निर्देशनालयको मंगलवार ४ः४५ बजे जारी विज्ञप्तिअनुसार कास्कीका २३ सहित गण्डकी प्रदेशका ५ जिल्लामा गरी ४५ जना कोरोना संक्रमित थपिएका छन ।
क्षयरोग उपचार केन्द्रमा गरिएको परीक्षणमा कास्कीका २३, लमजुङका १३, पर्वतका २, तनहुँका ५ जना र गोरखाका २ जना गरी ४५ जनामा कोरोना संक्रमण पुष्टि भएको हो ।
योसहित गण्डकी प्रदेशमा कोरोना संक्रमितको संख्या ४ हजार ३ सय ९ पुगेको छ ।
