पोखरा । गण्डकी प्रदेशमा ७०जनामा नयाँ संक्रमण पुष्टि भएको छ ।
क्षयरोग उपचार केन्द्र पोखरा र लाइफ केयर डाइग्नोस्टिक एण्ड रिसर्च प्रा.लि. मा गरिएको परीक्षणमा ६ जिल्लाका ७० जनामा पोजेटिभ देखिएको हो ।
प्रदेश स्वास्थ्य निर्देशनालयले जारी गरेको विज्ञप्ति (पहिलो र दोस्रो) अनुसार कोरोना पुष्टि हुनेमा स्याङ्जामा ३, कास्कीमा १, तनहुँमा २, बागलुङ ५, म्याग्दीमा ४ र नवलपरासी (व.सु.पू.) का ५५ जना रहेका छन् ।
योसहित गण्डकीमा कोरोना संक्रमितको संख्या ६ हजार ७ सय ९० पुगेको छ ।
