पोखरा । गण्डकी प्रदेशमा कोरोना संक्रमितको संख्या ७ हजार नाघेको छ ।
आज बिहीवार मात्रै प्रदेशमा थप १ सय २ जना कोरोना संक्रमित थपिएका छन् । यो संख्या थप भएसँगै प्रदेशमा कोरोना संक्रमितको संख्या ७ हजार ४७ जना पुगेको हो ।
आज प्रदेशका ७ जिल्लामा थपिएको स्वास्थ्य निर्देशनालय गण्डकीले जनाएको छ । आज थपिनेमा कास्कीका ४६, गोरखामा २७, नवलपरासीमा १२, तनहुँमा ९, म्याग्दीमा ५, पर्वतमा २ र लमजुङमा १ जना रहेका छन् ।
त्यस्तै गण्डकी प्रदेशमा हालसम्म कुल ४ हजार ६६ जना निको भएका छन् भने ७२ जनाको ज्यान गएको छ ।
