पहाडी क्षेत्रमा आंशिकदेखि सामान्य बदली, एक–दुई स्थानमा चट्याङ र वर्षाको सम्भावना

-


     मर्दी न्युज    
     फागुन १४ गते २०७७ मा प्रकाशित


जल तथा मौसम विज्ञान विभागका अनुसार आज शनिवार बिहान देशको पहाडी भेगमा मौसम आंशिकदेखि सामान्यसम्म बदली छ। तराइका केही स्थानमा हल्का कुहिरो हुस्सु लागेको छ । 

आज दिउँसो पहाडी भू–भागमा आंशिकदेखि सामान्य बदली रही बाँकी भू–भागमा मौसम सफा रहने विभागले जनाएको छ । विभागका अनुसार पहाडी भू–भागका केही स्थानमा मेघगर्जन तथा चट्टयाङसहित हल्का वर्षाको सम्भावना रहेको छ । देशको उच्च पहाडी तथा हिमाली भू–भागका केही स्थानमा हल्का हिमपातको सम्भावना रहेको विभागको भनाइ छ ।

यसैगरी राति पनि पहाडी भेगका एक–दुई स्थानमा मेघगर्जन तथा चट्याङसहित हल्का वर्षाको सम्भावना छ। साथै उच्च पहाडी तथा हिमाली क्षेत्रका एक–दुई ठाउँमा हल्का हिमपात हुने लक्षण देखिएको छ।