पोखरा । नेपालमा पछिल्लो २४ घण्टामा थप ४१०७ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ११ हजार ३५४ नमुनाको पीसीआर परीक्षण गर्दा २९७५ जना र ४९४४ जनाको एन्टीजेन परीक्षण गर्दा ११३२ जनामा सङ्क्रमण पुष्टि भएको हो ।
योसँगै नेपालमा कुल सक्रिय सङ्क्रमितको सङ्ख्या ३३ हजार ४६४ पुगेको छ ।
यस्तै पछिल्लो २४ घण्टामा थप १ हजार ५३५ जना संक्रमणमुक्त भएका छन् । हालसम्म निको हुनेको संख्या ६ लाख ६१ हजार ६५१ रहेको छ ।
नेपालमा कोरोना संक्रमणबाट थप ३५ जनाको मृत्यु भएको छ । हालसम्म कोरोनाबाट मृत्यु हुनेको संख्या ९ हजार ९५७ पुगेको छ ।
