साता कारोबारको अन्तिम दिन बिहीबार नेप्से परिसूचक सामान्य अंकले बढेर बन्द भएको छ। बिहीबार नेप्से परिसूचक २.६२ अंकले बढेर २७८८.३६ विन्दुमा बन्द भएको हाे ।
लगातार घटेको तीन कारोबार दिनपछि आज बजार सामान्य अंक बढेको हो । साताको पहिलो कारोबार दिन आइतबार सार्वजनिक बिदा परेकाले कारोबार भएन। त्यसपछि दोस्रो कारोबार सोमबारदेखि नेप्से परिसूचक लगातार ओरालो लागेको थियो।
बजारको अंकसँगै कारोबार रकम पनि बढेको छ । अघिल्लो दिन ६ अर्ब १६ करोडको कारोबार भएकोमा आज ७ अर्ब ४६ करोडको कारोबार भएको छ ।
