गृह मन्त्रालयले सहसचिवहरूको सरुवा गरेको छ। गृहमन्त्रीसमेत रहेका प्रधानमन्त्री बालेन्द्र शाहले उनीहरूको सरुवा गरेको हो।
सरुवासँगै १५ जिल्लाको प्रमुख जिल्ला अधिकारी हेरफेरसमेत गरिएको छ।
गृह मन्त्रालयको निर्णयअनुसार कास्कीका प्रमुख जिल्ला अधिकारी रुद्रादेवी शर्माको स्थानमा कुमानसिंह गुरुङ कास्कीको प्रमुख जिल्ला अधिकारीका रूपमा आएका छन् । शर्मा सरुवा भई धनकुटा गएकी छन् ।
यस्तै सूचीअनुसार निराजन घिमिरेलाई स्याङ्जा र लक्ष्मी पाण्डे गौतमलाई धादिङको प्रमुख जिल्ला अधिकारीका रूपमा सरुवा गरिएको छ।
त्यस्तै बलराम निरौलालाई अध्यागमन कार्यालय भैरहवामा पठाइएको छ। त्यस्तै ईश्वरी प्रसाद अर्याललाई संखुवासभा, भविश्वर पाण्डेलाई पाल्पा, जगदिश्वर उपाध्यायलाई नवलपसारी पूर्व, श्यामकृष्ण थापालाई सप्तरी, मेखबहादुर मंग्रातीलाई उदयपुर, टुवाराज पोखरेललाई ओखलढुंगा, विजयराज सुवेदीलाई सर्लाही, विनु बज्राचार्यलाई रामेछाप, धर्मराज जोशीलाई सुर्खेत सरुवा गरिएको छ।
त्यस्तै सिर्जना थपलियालाई त्रिअबि अध्यागमनमा सरुवा गरिएको छ भने रामुराज कडरियालाई गृह मन्त्रालयमा तानिएको छ। त्यस्तै प्रदीपकुमार कोइरालालाई विपद् व्यवस्थापन र कृष्ण पौडेललाई राष्ट्रिय परिचयपत्रमा पठाइएको छ।
