काठमाडौँ। भोजपुरको भोजपुर नगरपालिका-३ स्थित सेतीबेगरमा बस दुर्घटनामा परेको छ ।
भोजपुरको टेम्केमैयुङ गाउँपालिकामा २१ फागुनमा हुने प्रतिनिधि सभा निर्वाचनका लागि बेस क्याम्प स्थापना गर्न हिँडेको नेपाली सेना सवार बस दुर्घटनामा परेको प्रमुख जिल्ला अधिकारी राजन पौडेलले जानकारी दिए ।
प्रजिअ पौडेलका अनुसार नेपाली सेनाको नयाँ श्रीनाथ गण भोजपुरबाट टेम्केमैयुङका लागि हिँडेको ना४ख ७३१७ नम्बरको बस सडकबाट करिब २०० मिटर तल खसेको छ ।
बस दुर्घटनामा पर्दा २४ जना घाइते भएका छन् । घाइतेमध्ये ८ जनालाई नेपाली सेनाको हेलिकप्टरमार्फत उपचारका लागि काठमाडौँ पठाइएको उनले बताए । थप गम्भीर घाइतेहरूलाई पनि काठमाडौँ ल्याउने तयारी भइरहेको छ ।
