काठमाडौँ । प्रतिनिधि सभा सदस्य निर्वाचन अन्तर्गत आज अधिकांश मतदान केन्द्रमा मतदान प्रक्रिया सफलतापूर्वक सम्पन्न भएको छ।
निर्वाचन आयोगका अनुसार बिहान ७ बजेदेखि बेलुकी ५ बजेसम्म देशभर शान्तिपूर्ण रूपमा मतदान भएको छ।
केही निर्वाचन क्षेत्रमा भने मतदान बहिष्कारको घटना देखिएको छ। ओखलढुंगाको माने भन्ज्याङ मा स्थानीय मतदाताहरूले मतदानमा सहभागी नभएका छन्।
त्यस्तै, दाङको बबई गाउँपालिका-७, मलई स्थित देउती माध्यमिक विद्यालय (तल्लो मलई) र वडा नम्बर १ मा रहेको जनता माध्यमिक विद्यालय मा मतदाताहरूले मतदान बहिष्कार गरेका छन्।
निर्वाचन आयोगले शान्तिपूर्ण मतदानलाई प्राथमिकता दिँदै बाँकी प्रक्रिया पूर्ण रूपमा सम्पन्न भएको जनाएको छ।
