प्रमुख समाचार

काठमाडौँ। आगामी फागुन २१ गते तय गरिएको प्रतिनिधि सभा सदस्य निर्वाचनको सन्दर्भमा आज राति १२ बजेदेखि प्रचारप्रसारसम्बन्धी सबै गतिविधि निषेध हुने भएको छ। निर्वाचन आयोगले मतदान सम्पन्न भई मतदान केन्द्र बन्द नहुन्जेलसम्म लागू रहने गरी ४८ घण्टे मौन अवधि कार्यान्वयनमा ल्याइने जनाएको हो। आयोगका सहायक प्रवक्ता कुलबहादुर जिसीका अनुसार तोकिएको समय सीमापछि राजनीतिक दल, उम्मेदवार तथा सम्बन्धित पक्षले कुनै पनि प्रकारको मत माग्ने गतिविधि गर्न पाउने छैनन्। मौन अवधिमा पालना गर्नुपर्ने विशेष आचरणसम्बन्धी प्रावधान निर्वाचन आचारसंहिता, २०८२ मा उल्लेख गरिएको… पुरा पढौ

म्याग्दी । म्याग्दी र मुस्ताङमा बसोबास गर्ने अल्पसङ्ख्यक थकाली समुदायमा तोरन ल्ह (फागुपूर्णीमा) पर्वको रौनक छाएको छ । नेपालका विभिन्न क्षेत्रमा ११ हजार जनाको सङ्ख्यामा बसोबास गर्ने थकाली समुदायले हरेक वर्ष फागुपूर्णीमाको अवसरमा परम्परागत तोरन ल्ह पर्व मनाउने गर्दछन् । फागुपूर्णीमाको अघिल्लो दिन सुरु हुने तोरनल्ह तीन दिनसम्म मनाउने चलन रहेको थकाली सेवा समिति बेनी क्षेत्रका अध्यक्ष सुन्दरमान शेरचनले बताए । ‘‘तीन दिन सबैरे उठेर चोखो निष्ठ भएर पित्रीलाई सम्झिएर पूजाआजा गर्ने र फूलप्रसाद चढाउनुपर्छ,’’ उनले भने ‘‘आफन्तहरुलाई बोलाएर मिठामिठा परिकार खुवाउने… पुरा पढौ

ढोरपाटन (बागलुङ) । बागलुङको ढोरपाटन र पूर्वी रुकुमको तकसेरा गाउँ सिधा सडक सञ्जालमार्फत जोडिएको छ । बागलुङको निसीखोला गाउँपालिका–५ निसेलढोर हुँदै रुकुम पूर्वको पुथा उत्तरगङ्गा गाउँपालिकास्थित तकसेरा गाउँ सिधा सडक सञ्जालले जोडिएको हो । दुबै जिल्लाबाट सडक निर्माण गर्दै आएको हुँदा निसेलढोर नजिकै रहेको मनिमर्फेस भन्ने स्थानमा जोडिएको ढोरपाटन नगरपालिका–९ का वडा अध्यक्ष खिमबहादुर घर्ती मगरले जानकारी दिए । लामो समयदेखि रोकिएको काम ढोरपाटन सिकार आरक्ष कार्यालयले अनुमति दिएपछि सडक जोडिएको उनको भनाइ छ । सडकले दुई जिल्ला जोडेपछि अब… पुरा पढौ

काठमाडौँ । रंगहरुको पर्व होली आज काठमाडौं उपत्यकासहित पहाडी जिल्लाहरुमा हर्षोल्लासका साथ मनाइँदै छ । फागु अर्थात् होलीको अवसरमा सरकारले आज पहाडी जिल्लाहरुमा सार्वजनिक बिदा समेत दिएको छ । हरेक वर्ष फाल्गुण शुक्ल पूर्णिमाको दिन पहाडी तथा हिमाली जिल्लामा र त्यसको भोलिपल्ट तराई तथा भित्री मधेशका जिल्लाहरूमा होली पर्व हर्षोल्लासपूर्वक मनाउने गरिन्छ । वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व मनाउने प्राचीनकालदेखिको परम्परा छ । असत्यमाथि सत्यको, अन्यायमाथि न्यायको र दुराचारमाथि सदाचारको विजय भएको खुसियालीमा… पुरा पढौ

काठमाडौँ । सरकारले मध्यपूर्वका विभिन्न मुलुकका विमानस्थलमा ट्रान्जिटमा रहेर अलपत्र परेका नेपाली नागरिकलाई तत्काल फिर्ता ल्याउन वा गन्तव्यतर्फ पठाउन नसकिने अवस्था देखिएको भन्दै उनीहरूलाई सोही स्थानमा आवश्यक सुरक्षा प्रबन्ध मिलाउने निर्णय गरेको छ। आइतबार प्रधानमन्त्री निवास बालुवाटारमा बसेको मन्त्रिपरिषद् बैठकले क्षेत्रीय तनावका कारण सम्बन्धित देशका विमानस्थलहरू बन्द रहेको अवस्थालाई मूल्यांकन गर्दै यस्तो निष्कर्ष निकालेको हो।  बैठकपछि जानकारी दिँदै एक मन्त्रीले हालको परिस्थितिमा यात्रुहरूको आवागमन सम्भव नभएकाले उनीहरू रहेको स्थानमै समन्वयमार्फत सुरक्षा सुनिश्चित गरिने बताएका छन्। बैठकमा विभिन्न देशका विमानस्थलमा ट्रान्जिटमा… पुरा पढौ

काठमाडौँ । नेपाल पत्रकार महासङ्घले निर्वाचनको मौन अवधिमा निर्वाचन आचारसंहिता र पत्रकार आचारसंहिताको पूर्ण पालना गर्न सञ्चारमाध्यम र पत्रकारलाई आग्रह गरेको छ । यही फागुन २१ मा हुने प्रतिनिधिसभा सदस्य निर्वाचनका सन्दर्भमा आज अपिल जारी गर्दै महासङ्घका अध्यक्ष निर्मला शर्माले पत्रकार र सञ्चारमाध्यमका सवारीसाधनलाई प्रेस पासका आधारमा निर्वाध रूपमा आवाज–जावत गर्ने व्यवस्था मिलाउन पनि आग्रह गर्नुभएको छ । सङ्कलनमा खटिएका पत्रकारलाई कुनै पनि किसिमका अवरोध नगर्न सबै सरोकार भएकाहरूलाई महासङ्घले आग्रह गरेको छ । पछिल्लो समयमा ‘सेल्फ सेन्सरसिप’को पीडा भोग्नुपरेको स्मरण गर्दै… पुरा पढौ

इरानका प्रमुख सेनापति अब्दुलरहिम मौसावी र रक्षामन्त्री अजिज नासिरजादेहको मृत्यु भएको पुष्टि भएको छ। अमेरिका र इजरायलको आक्रमणमा अन्य धेरै वरिष्ठ सैन्य अधिकारीहरू पनि मारिएको अन्तरर्राष्ट्रिय सञ्चार माध्यमले जनाएका छन्। बीबीसी फारसीका अनुसार ,इरानको संस्था ‘द फाउन्डेसन फर द प्रिजर्भेसन अफ मोन्युमेन्ट्स एन्ड डिस्सेमिनेसन अफ सेक्रेड डिफेन्स भ्यालुजु ले मौसावीको मृत्युको पुष्टि गरेको छ।’ शनिबारको आक्रमणमा मौसावीसँगै रक्षामन्त्री अजिज नासिरजादेह,क्रान्तिकारी गार्ड्सका कमाण्डर मोहम्मद पाकपुर र सर्वोच्च रक्षा परिषद्का अध्यक्ष अली शामखानी पनि मारिएका छन्, इरानी संगठनले आफ्नो विज्ञप्तिमा भनेको छ।… पुरा पढौ