पोखरा । पोखरा महानगरपालिकाको वडा नं. २० मौजाको बिसौनामा सडकको काम गरिरहेका ५ जना मजदुर माटोको ढिस्कोमुनि पुरिएका छन् । आइतबार बिहान साढे ७ बजेतिर ती मजदुर पुरिएको पोखरा २० का वडाध्यक्ष सिम गुरूङले जनाए ।
सडक स्तरोन्नति गर्ने क्रममा रिटेनिङ वालको कामका सिलसिलामा मजदुर पुरिएका बताइएको छ । उनीहरूलाई निकाल्ने प्रयास भइरहेको वडाध्यक्ष गुरूङले जनाए । ती मजदुर स्थानीय नभई कामका लागि सल्यान जिल्लाबाट त्यहाँ पुगेका हुन् ।
पुरिनेमा जोगेन्द्र बुढाथोकी, खिमलाल वली, गणेश वली, तोभान बस्नेत र बिज बहादुर बस्नेत रहेको बताइएको छ ।
