पोखरा, २७ माघ । पोखराको रंगशाला नजिकै सेतीनदी खोँचमा अड्किएका एक युवालाई प्रहरीले उद्धार गरेको छ । नेपाल प्रहरीको गण्डकी प्रदेश सशस्त्र प्रहरी गणको उद्धार समूहले सकुशल उद्धार गरेको हो ।
पोखरा महानगरपालिका वडा नम्वर ९ पार्वती टोलस्थित रहेको सेती नदीको खोचमा आफ्नो कुकुरलाई डो¥याउने क्रममा कुकुर खोँचमा खसेपछि अड्किएको र उक्त कुकुरलाई बचाउन लाग्दा सोही स्थान बस्ने २३ वर्षीय आकाश गुरुङ खोचमा खसेका थिए ।
खोचमा खसेका गुरङलाई स्थानीयहरुले देखेपछि प्रहरीलाई खबर गरेका थिए । खबर पश्चात् तत्कालै गण्डकी प्रदेश सशस्त्र प्रहरी गण पोखराको उद्धार समुह र वडा प्रहरी कार्यालय वैदाम कास्कीको प्रहरी टोली उक्त स्थानमा निजको उद्दारको लागि खटिएको थियो । प्रहरीले निज गुरुङलाई खोँचबाट सकुशल उद्दार गरिएको हो । उद्दार गरिएका गुरुङको अवस्था सामान्य रहेको छ ।
