पोखरा । नेपालमा थप ३ जनामा कोरोना भाइरस संक्रमण पुष्टि भएको छ ।
राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा काठमाडौं दहचोक निवासी ७ वर्षको बालक, जनकपुर धनुषाका १७ वर्षीय युवती र धादिङका ३० वर्षीय महिलामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका सहप्रवक्ता समिरकुमार अधिकारीले जानकारी दिए । योसँगै नेपालमा कोरोना संक्रमितको संख्या २ सय ४९ पुगेको छ ।
पछिल्लो समय सरकारले परीक्षणको दायरा बढाएसँगै संक्रमितको संख्या बढ्दो छ ।
