पोखरा । नेपाल पत्रकार महासंघ लमजुङ अध्यक्ष आश गुरुङलाई कोरोना पुष्टि भएको छ ।
लमजुङकै एक एफएम रेडियोमा कार्यरत एक जना सञ्चारकर्मीमा कोरोना पुष्टि भएपछि अध्यक्ष गुरुङ कन्ट्याक ट्रेसिङमा परेका थिए । गत बिहीबार नै उनको स्वाब संकलन गरेर पोखरा ल्याइएको भए पनि आज सोमबार मात्र नतिजा आएको हो । उनी गत बिहीबारबाटै होटेल क्वारेन्टाइनमा बसेका छन् । उनी कान्तिपुर दैनिकका लमजुङ संवाददाता हुन् ।
नेपाल पत्रकार महासंघ गण्डकी प्रदेशका अध्यक्ष त्रिभुवन पौडेलले एक प्रेस नोट जारी गर्दै शिघ्र स्वास्थ्य लाभको कामना गरेका छन् । प्रेस नोटमा भनिएको छ, ‘पत्रकार महासंघ लमजुङका अध्यक्ष प्रिय आश गुरुङमा कोरोना पोजेटिभ देखिएको छ, प्रदेश समितिको तर्फबाट उहाँसहित कोरोना सँक्रमित सबै पत्रकार साथीहरुको शिघ्र स्वास्थ्य लाभको कामना गर्दछु ।’
