काठमाडौँ । सरकारले गभर्नरमा विश्व पौडेललाई नियुक्त गरेको छ । आज बसेको मन्त्रीपरिषद् बैठकले डा पौडेललाइ गर्भनरमा नियुक्त गरेको हो । गत चैत २४ देखि रिक्त गर्भनर पदमा गर्भनर सिफारिस समितिको बैठकले तीन जनाको नाम सिफारिस गरेको थियो ।
प्रा.डा. विश्वनाथ पौडेल नेपाल राष्ट्र बैङकको १८ औँ गभर्नर बन्नु भएको छ । गत चैत २४ गतेदेखि रिक्त रहेको गर्भनर पदमा सरकारले चितवनका अर्थविद् डा पौडेललाई नियुक्त गरेको हो । मंगलबार बसेको मन्त्रीपरिषद् बैठकले उनलाई गर्भनरमा नियुक्त गर्ने निर्णय गरेको हो ।
अमेरिकाबाट अर्थशास्त्रमा विद्यावारिधी गरेका पौडेल काठमाडौं विश्वविद्यालयको ‘स्कुल अफ म्यानेजमेन्ट’का प्रोफेसर समेत हुन् । नवनियुक्त गर्भनर पौडैल यसअघि राष्ट्रिय योजना आयोगका उपाध्यक्ष समेत भइसक्नुभएको छ । उनीसँग अर्थ मन्त्रालय र अन्तर्राष्ट्रिय श्रम संगठन आईएलओको आर्थिक सल्लाहकारको रुपमा काम गरेको अनुभव समेत रहेको छ ।
नवनियुक्त गर्भनर डा पौडेल २०७९ मंसिरमा भएको प्रतिनिधि सभा निर्वाचनमा नेपाली कांग्रेसबाट उम्मेदवार भई चितवन क्षेत्र नम्बर १ मा चुनाव लडेर पराजित समेत भएका थिए । यसअघि गभर्नर सिफारिस समितिको सदस्य रहेका पौडेलले पदबाट राजीनामा दिएका थिए ।
नेपाल राष्ट्र बैंकको ऐनअनुसार गभर्नरको कार्यकाल सकिनुभन्दा एक महिनाअघि नै गभर्नर सिफारिस हुनुपर्ने हो । तर राजनितिक दलबीच गृहकार्यमा समय खर्चिदा गर्भनर नियुक्तिमा पनि ढिलाइ भइरहेको थियो ।
गर्भनर नियक्तु चाँडै गर्नुपर्ने दबाबका बीच प्रधानमन्त्री केपी शर्मा ओली र कांग्रेस सभापति शेरबहादुर देउवाबीच मंगलबार भएको भेटवार्ताका क्रममा पौडेलको नाममा सहमति जुटेको थियो । यसअघि बसेको गभर्नर सिफारिस समितिको बैठकले गर्भनरमा तीन जनाको नाम सिफारिस गरेको थियो । जसमा प्राडा विश्व पौडेल, नेपाल राष्ट्र वैकका कामु गभर्नर निलम ढुंगाना तिम्सिना र पूर्व सचिव दिनेश भट्टराईको नाम सिफारिस भएको थियो ।
