सरकारले सुनको भन्सार दर बढाएपछि सुनको मूल्य ह्वात्तै वृद्धि भएको छ। आइतबार सुनको मूल्य २० हजार ५०० रुपैयाँले बढेको छ।
प्रतितोला सुन २० हजार ५ सय रुपैयाँ बढेर आज ३ लाख ११ हजार एक सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यसअघि शुक्रबार सुन प्रतितोला २ लाख ९० हजार ६ सय रुपैयाँमा कारोबार भएको थियो ।
यस्तै, आज चाँदीको मूल्य पनि बढेको छ । चाँदी तोलाको ३ सय ५ रुपैयाँले बढेर आज प्रतितोला ५ हजार ३ सय ४५ रुपैयाँमा कारोबार भइरहेको छ । यसअघि शुक्रबार चाँदी तोलाको ५ हजार ४० मा कारोबार भएको थियो ।
