कोरोना संक्रमणमा नयाँ रेकर्डः विश्वमा एकै दिन २ लाख २८ हजार कोरोना संक्रमित थपिए

-


     मर्दी न्युज    
     २७ असार २०७७ मा प्रकाशित


एजेन्सी । विश्वमा एकै दिन २ लाख २८ हजार कोरोना संक्रमित थपिएका छन् । विश्वभर गरी शुक्रबार एकै दिन २ लाख २८ हजार १०२ कोरोना संक्रमित थपिएका हुन् ।

विश्व स्वास्थ्य संगठन (डब्लूएचओ)को तथ्यांक अनुसार एकै दिन सबैभन्दा धेरै कोरोना संक्रमित भेटिएको यो नै पहिलो हो ।

यसअघि जुलाई ४ मा सबैभन्दा धेरै २ लाख ११ हजार ४२८ संक्रमित थपिएको डब्लूएचओको तथ्यांकमा उल्लेख छ ।

हालसम्म विश्वमा एक करोड २१ लाख २ हजार ३२८ जनामा कोरोना संक्रमण देखिसकेको छ भने मृत्यु हुनेको संख्या ५ लाख ५१ हजार ४६ पुगेको छ ।



Tags: