काठमाडौं । पशुपतिमा सुनको जलहरी राखिसकेपछि सर्वोच्च अदालतले जलहरी नराख्न अन्तरिम आदेश दिएको छ ।
अधिवक्ता निकिता ढुंगानाले दायर गरेको रिटमा न्यायाधीश पुरुषोत्तम भण्डारीको एकल इजलासले यस्तो आदेश दिएको हो ।
यस विषयमा अन्तरिम आदेश दिने या नदिने विषयमा छलफल गर्न दुवै रिट निवेदक र सरकार दुबै पक्षलाई फागुन १७ गते छलफलमा बोलाएको छ ।
यधपी सर्वोच्च अदालतमा रिट विचाराधिन अवस्थामा रहदा आज बिहान राष्ट्रपति विद्यादेवी भण्डारीले क्षमापूजा गरेपछि सुनको जलहरी राखिएको थियो । सुनको जलहरीका लागि सरकारले ३० करोड दिएको थियो भने अन्य रकम पशुपति क्षेत्र विकास कोषले खर्च गरेको थियो । जलहरी राख्न एक अर्ब आठ करोड खर्च भएको कोषले जनाएको छ ।
