काठमाडौँ । सरकारले राष्ट्रपति चुरे–तराई मधेस संरक्षण विकास समितिको अध्यक्षमा डा. किरण पौडेललाई नियुक्त गरेको छ ।
प्रधानमन्त्री तथा मन्त्रिपरिषद्को कार्यालय सिंहदरवारमा शुक्रवार बसेको मन्त्रिपरिषद् बैठकले पौडेललाई अध्यक्षमा नियुक्त गर्ने निर्णय गरेको हो ।
बैठकले सदस्यहरूमा पूर्व जर्नेल बाबुकृष्ण कार्की, डा. सुस्मिता ढकाल, शशी शर्मा र भेषराज आचार्य बरुणलाई नियुक्त गरेको एक मन्त्रीले बताए ।
त्यस्तै सरकारले विज्ञापन प्राधिकरणको अध्यक्षमा लक्ष्मण हुमागाईँलाई नियुक्त गरेको छ ।
नेपाल टेलिभिजनका पूर्व महाप्रबन्धक हुमागाईँ खुला प्रतिस्पर्धाबाट छानिएका तीन जनामध्येबाट नियुक्त भएका हुन् । प्राधिकरणका सदस्यहरू यसअघि नै मन्त्रिस्तरीय निर्णयबाट नियुक्त भइसकेका छन् ।
अध्यक्षको नियुक्तिसँगै विज्ञापन बोर्डले अब पूर्णता पाएको छ ।
