पोखरा । भौगोलिक हिसाबले देशकै ठूलो महानगर पोखरा महानगरपालिकाको मेयरमा गठबन्धनका उम्मेदवार धनराज आचार्यले अग्रतालाई कायमै राखेका छन् ।
५५ हजार २६७ मतगणना हुँदा गठबन्धनका तर्फबाट मेयरका उम्मेदवार बनेका एकीकृत समाजवादीका आचार्यले २२ हजार ८५२ मत ल्याएका छन् ।
उनले प्राप्त गरेको यो मत नेकपा एमालेका कृष्ण थापा भन्दा २,७२० मत बढी हो । एमालेका थापाले २० हजार १३२ मत ल्याएका छन् ।
उपमेयरमा नेकपा एमालेकी मञ्जु देवी गुरुङले २३ हजार १६४ मत ल्याउँदा गठबन्धनबाट उम्मेदवार बनेकी नेपाली काँग्रेसकी कोपिला रानाभाटले २३ हजार २१ मत ल्याएकी छन् ।