काठमाडौँ । यो वर्ष बडादसैँको टीका विभिन्न देशमा लगाइने शुभ साइत सार्वजनिक गरिएको छ । अन्तर्राष्ट्रिय पञ्चांग निर्णय समितिले शनिबार विदेशमा बस्ने नेपालीका निम्ति पनि साइत सार्वजनिक गरेको हो ।
देशभित्रका निम्ति नेपाल पञ्चांग निर्णायक विकास समितिले यसअघि नै साइत सार्वजनिक गरिसकेको छ । समितिद्वारा जारी विज्ञप्तिमा नेपालका लागि असोज १६ गते बिहान ११ बजेर ५३ मिनेटमा दसैँ टीकाको उत्तम साइत रहेको समितिले जनाएको छ ।
विदेशमा भने भारतको नयाँ दिल्लीमा अक्टोबर २ को बिहान ११ बजेर ४९ मिनेटको साइत उत्तम रहेको अन्तर्राष्ट्रिय पञ्चांग निर्णय समितिले जनाएको छ । समितिका अनुसार, अमेरिकाको न्युयोर्कमा अक्टोबर १ को ११:२५, जापानको टोकियोमा अक्टोबर २ को ११:३१, शुभ साइत छ ।
साइतको समय हेर्नुहोस्:
