साताको चौथो कारोबार दिन पनि नेपाली सेयर बजारमा गिरावट आएको छ। बिहीबार नेप्से परिसूचक १६.२९ अंकले घट्दै २६७२ अंकको विन्दुमा कायम भएको छ।
यो साताको सुरुवातदेखि नै बजारमा निरन्तर दबाब देखिएको छ। साताका चारवटै कारोबार दिनमा नेप्से परिसूचक कुल ६२ अंकले घटेको छ। अघिल्लो साताको अन्तिम कारोबार दिन शुक्रबार नेप्से २७३४ अंकमा रहेको थियो।
बजारमा आएको गिरावटसँगै कारोबार रकममा समेत कमी देखिएको छ। बिहीबार कुल ३ अर्ब ३८ करोड रुपैयाँ बराबरको सेयर कारोबार भएको छ। अघिल्लो कारोबार दिन भने ४ अर्ब २ करोड रुपैयाँ बराबरको कारोबार भएको थियो।
बजार परिसूचक र कारोबार रकम दुवैमा देखिएको कमीले लगानीकर्ताको सक्रियता पछिल्ला दिनमा केही कमजोर बनेको संकेत गरेको छ।
