काठमाडौँ । कृषि विकास बैंकले सेयर धनीका लागि लाभांश घोषणा गरेको छ ।
सञ्चालक समिति बैठकले सेयर धनीका लागि कुल १३ प्रतिशत लाभांश घोषणा गरेको हो । घोषित लाभांशमा करसहित ९.७५ प्रतिशत नगद र ३.२५ प्रतिशत बोनस सेयर रहेको छ ।
बैंकमा नेपाल सरकारको पुँजीमा ६ प्रतिशतले हुने नगद लाभांश पनि प्रदान गर्ने निर्णय गरेको हो । बजारमा हाल बैंकको सेयर मूल्य प्रतिकित्ता ३१५ रुपैयाँ छ ।
यसैगरी सरकारको अग्राधिकार सेयर पुँजीमा बैंकले वार्षिक ६ प्रतिशत नगद लाभांश दिँदै आएको छ । बैंकका अनुसार यो लाभांश राष्ट्र बैंकको स्वीकृति तथा आगामी साधारण सभाबाट पारित भएपछि प्रदान हुनेछ ।
