प्रमुख समाचार

काठमाडौँ । सौरमासअनुसार प्रत्येक वर्ष साउन १ गते मनाइने साउने (कर्कट) सङ्क्रान्ति पर्व आज देशभर स्नान, दान गरी मनाइँदैछ । सूर्यले मिथुन राशिको भोग पूरा गरी कर्कट राशिमा प्रवेश गर्ने पहिलो दिन आज देशभर साउने सङ्क्रान्तिका रूपमा मनाउने प्राचीन परम्परा छ । साउनदेखि सूर्य दक्षिणतर्फ गमन गर्ने भएकाले आजैदेखि दक्षिणायन सुरु हुन्छ । माघ १ गते सुरु हुने उत्तरायण र साउन १ गते सुरु हुने दक्षिणायनलाई वैदिक सनातन परम्परामा विशेष महत्वका साथ मनाइन्छ । अधिकांश नेपाली खेतीपातीमा संलग्न हुने भएकाले… पुरा पढौ

धादिङ । लगातारको वर्षापछि पृथ्वी राजमार्ग अन्तर्गत निर्माणाधीन नागढुंगा–मुग्लिन तथा मुग्लिन–नारायणघाट सडकखण्डमा पहिरो र ढुंगा खस्ने घटना बढ्दै जाँदा यात्रा थप कष्टकर र जोखिमपूर्ण बनेको छ। वर्षासँगै सडकमा पटक–पटक पहिरो खस्दा र ढुंगा झर्दा स्थानीय प्रशासनले यात्रुको सुरक्षालाई मध्यनजर गर्दै भारी वर्षाका बेला केही समयका लागि सवारी आवागमनसमेत रोक्ने गरेको छ। यसका कारण सयौं सवारीसाधन लामो जाममा पर्ने गरेका छन् भने हजारौं यात्रु घण्टौंसम्म राजमार्गमै अलपत्र पर्ने अवस्था सिर्जना भएको छ। लामो जामका कारण यात्रुले खानेपानी, शौचालय तथा विश्रामस्थलको अभाव झेल्नुपरेको… पुरा पढौ

लमजुङ । लमजुङका धेरै ग्रामीण बस्ती अहिले सुनसान बन्दै गएका छन् । पुराना घरमा लागेको ताल्चा, आँगनमा उम्रिएको झार, भत्किँदै गरेका घर र बाँझो जमिन गाउँको परिचय जस्तै बनेको छ । चौतारा र बस्तीहरू सुनसान छन् । बस्ती शून्य लाग्छन् । केही वर्षअघिसम्म चहलपहल हुने गाउँहरू अहिले मानिसविहीन बन्दै गएका छन् । गाउँमा सडक, बिजुली, खानेपानी र सञ्चार सुविधा पुगे पनि रोजगारी, शिक्षा र स्वास्थ्यको खोजीमा मानिसहरू सहर तथा विदेश जान थालेपछि गाउँ खाली हुँदै गएका हुन् । यसको असर… पुरा पढौ

मिटर ब्याजसम्बन्धी समस्या समाधानका विषयमा सरकार र पीडित पक्षबीच चौथो चरणको वार्ता सुरु भएको छ। बाराको निजगढमा गृहमन्त्री सुधन गुरुङको सहभागितामा बुधबार राति करिब सवा ८ बजेदेखि वार्ता प्रारम्भ भएको हो। यसअघि सरकार र मिटरब्याज पीडित पक्षबीच मंगलबार रातिसम्म तीन चरणमा छलफल भइसकेको थियो। ती वार्तामा पीडितका माग, समस्या र समाधानका सम्भावित उपायबारे छलफल भएको थियो। गृहमन्त्री गुरुङले प्रारम्भिक चरणमा पीडितका गुनासा र मागबारे जानकारी लिएपछि आन्दोलनको नेतृत्वसँग क्रमशः पहिलो, दोस्रो र तेस्रो चरणको संवाद गरेका थिए। यद्यपि तेस्रो चरणको… पुरा पढौ

मुस्ताङ । मुस्ताङको घरपझोङ गाउँपालिका–५ स्थित ठिनी खोलामा पक्की मोटरेबल पुल निर्माण सम्पन्न भएको छ । गण्डकी प्रदेश सरकारअन्तर्गत पूर्वाधार विकास कार्यालय मुस्ताङले निर्माण गरेको पुल निर्धारित समयअघि नै सम्पन्न भएको हो । चालु आर्थिक वर्षमा घरपझोङ चक्रपथसँगै ठिनी खोलाको पुल निर्माण सम्पन्न भएको पूर्वाधार विकास कार्यालयले जनाएको छ । दुई वर्षमा सम्पन्न गर्ने लक्ष्यसहित निर्माण सुरु गरिएको पुल आगामी साउन २० गतेसम्म पुनर्निर्माण गर्ने सम्झौता भए पनि निर्माण कम्पनीले तोकिएको समयअघि नै काम सकेको हो । पूर्वाधार विकास कार्यालयका… पुरा पढौ

हाल देशभर मनसुनी वायुको प्रभाव रहेको छ । हाल मनसुनको न्यून चापीय रेखा सरदर स्थानभन्दा केही माथि नेपालको तराई भूभाग नजिक रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ । महाशाखाका अनुसार आज देशभर साधारणतया बादल लागेको छ । कोशी, बागमती, गण्डकी र लुम्बिनी प्रदेशको केही स्थानमा तथा कर्णाली प्रदेशको एकदुई स्थानमा मध्यम वर्षा भइरहेको छ । आज दिउँसो देशभर साधारणतया बादल लाग्नेछ भने कोशी, बागमती र गण्डकी प्रदेशका हिमाली भूभागका केही स्थान र लुम्बिनी, कर्णाली र… पुरा पढौ

देशका विभिन्न स्थानमा परेको अविरल वर्षापछि आएको बाढी र पहिरोका कारण आठ वटा राजमार्ग तथा सडक खण्ड अवरुद्ध भएका छन्। प्रहरी प्रधान कार्यालयका अनुसार हुलाकी राजमार्ग भने अवरोध हटाइ पुनः सञ्चालनमा ल्याइएको छ। प्रहरीका अनुसार पर्साको ठोरी गाउँपालिका-२ अन्तर्गत हुलाकी राजमार्गमा पर्ने ढेडुखोला तथा आसपासका खहरे खोलामा आएको बाढीका कारण अवरुद्ध सडक दिउँसोदेखि सञ्चालनमा आएको हो। तर अन्य प्रमुख सडक खण्डमा भने आवागमन प्रभावित रहेको छ। काभ्रेपलान्चोक र सिन्धुली जोड्ने बिपी राजमार्गअन्तर्गत खुर्कोट-नेपालथोक-कटुन्जेबेँसी खण्डमा सम्पूर्ण सवारी आवागमन रोकिएको प्रहरीले जनाएको… पुरा पढौ