प्रमुख समाचार

म्याग्दी । यहाँको धवलागिरि गाउँपालिका–२ मा रहेको जलजलामा पर्यटकको चहलपहल बढ्न थालेको छ । म्याग्दीको बेनीदेखि धवलागिरि गाउँपालिकाको केन्द्र मुना–खोरिया–मरेनी–जलजला–ढोरपाटन हुँदै पूर्वीरुकुमको तकसेरा जोड्ने सडकको मार्ग खुलेपछि जलजलामा आन्तरिक पर्यटक बढेका हुन् । समुन्द्री सतहदेखि तीन हजार ४१८ मिटर उचाइमा रहेको माथिल्लो जलजलामा छ वर्षदेखि ‘गोठस्टे’ सञ्चालन गर्दै आएका धवलागिरि गाउँपालिका–२ लुलाङका फूलबहादुर विकले दैनिकजसो पर्यटक आउन थालेका बताए । “यसअघि ढोरपाटनमा आएका सीमित पर्यटकमात्रै जलजलामा आउने गरेका थिए”, उनले भने, “म्याग्दी–ढोरपाटन र पूर्वीरुकुम जोड्ने सडकको मार्ग खुलेपछि दैनिकजसो चार–पाँचवटा… पुरा पढौ

काठमाडौँ । सरकारले सार्वजनिक यातायातमा विद्यार्थीलाई कानुन बमोजिम प्रदान गरिँदै आएको ४५ प्रतिशत भाडा छुट सुविधालाई अनिवार्य रूपमा कार्यान्वयन गर्न निर्देशन दिएको छ। भौतिक पूर्वाधार तथा यातायात मन्त्रालय अन्तर्गतको यातायात व्यवस्था विभागले सोमवार यातायात व्यवसायीलाई पत्राचार गर्दै यस्तो निर्देशन दिएको हो। विभागका निर्देशक गणेशमान सिं राईद्वारा जारी पत्रमा नेपाल यातायात व्यवसायी राष्ट्रिय महासंघ, सार्वजनिक यातायात केन्द्रीय महासंघ र साझा यातायातलाई सम्बोधन गर्दै विद्यार्थी सहुलियत सुविधा प्रभावकारी रूपमा कार्यान्वयन गर्न अनुरोध गरिएको छ। सरकारले तोकेको यो सहुलियत कार्यान्वयन नगर्ने सवारी साधनलाई… पुरा पढौ

काठमाडौँ। दिगो भविष्यका लागि सामूहिक प्रयासको आह्वान गर्दै आज विश्व मातृ पृथ्वी दिवस विश्वका विभिन्न मुलुकमा विविध कार्यक्रमका साथ मनाइँदै छ । संयुक्त राष्ट्रसंघको आह्वानमा सन् २००९ देखि प्रत्येक वर्ष अप्रिल २२ मा यो दिवस मनाउन प्रारम्भ भएको हो । यो दिवसले पृथ्वीको संरक्षण र वातावरणीय सन्तुलन कायम राख्न सामूहिक प्रयास आवश्यक भएको सन्देश दिएको छ । महासागरहरू प्लास्टिकजन्य फोहरले भरिँदै गएका छन् र तीव्र रूपमा अम्लीय बन्दै गइरहेका छन् । अत्यधिक तापक्रम, डढेलो र बाढी पहिरोका घटनाले लाखौँ मानिस… पुरा पढौ

पोखरा । कास्की प्रहरीले पोखराको लेकसाइड क्षेत्रमा रातिको समयमा पर्यटकहरूलाई दुःख र हैरानी दिएको आरोपमा थप ३ जना महिलालाई पक्राउ गरेको छ । जिल्ला प्रहरी कार्यालय कास्की र मातहतको वडा प्रहरी कार्यालय बैदामबाट खटिएको विशेष टोलीले उनीहरूलाई मंगलबार बिहान नियन्त्रणमा लिएको हो । पोखरा महानगरपालिका वडा नम्बर ६ लेकसाइडको सडकमा आन्तरिक तथा बाह्य पर्यटकहरूलाई अनावश्यक रूपमा दुःख दिने, लुटपाट गर्ने र अनैतिक क्रियाकलापमा संलग्न रहेको फेला परेपछि प्रहरीले उनीहरूलाई नियन्त्रणमा लिएको प्रहरीले जनाएको छ । उनीहरु आइतबार बिहान करिब २स्३०… पुरा पढौ

गण्डकी । प्राचीन समयमा व्यापारिक नाकाका रुपमा पहिचान बनाएको बन्दीपुर अहिले भने पर्यटकीय गन्तव्यका रुपमा विकास भएको छ । बन्दीपुर विगतमा मोटरबाटोको सुविधा नहुँदा पश्चिम पहाडका तनहुँ, कास्की, लमजुङ, गोरखा र मनाङबाट सामान ल्याएर बिक्री गर्ने प्रमुख व्यापारिक नाकाका रुपमा स्थापित थियो । तनहुँको सदरमुकामसमेत रहेको यहाँबाट २०२५ सालमा सदरमुकाम दमौली सारिएसँगै यसले व्यापारिक नाकाको पहिचान बदलेर पर्यटकीय गन्तव्यका रुपमा परिणत भएको हो । यहाँको सांस्कृतिक सम्पदा एवं प्राकृतिक मनोरमताले पर्यटकीय महत्त्वलाई झनै बढाएको छ । बन्दीपुरको भूदृश्यले तत्कालीन राजा… पुरा पढौ

गृहमन्त्री सुधन गुरुङलाई पक्राउ गरी अनुसन्धान अघि बढाउन माग गर्दै ‘जेन-जी मुभमेन्ट’ ले प्रहरी महानिरीक्षकसमक्ष औपचारिक उजुरी दर्ता गरेको छ। प्रवक्ता विजय शाहद्वारा हस्ताक्षरित उक्त उजुरी इमेलमार्फत प्रहरी मुख्यालयमा पठाइएको जनाइएको छ। निवेदनमा गृहमन्त्रीलाई हिरासतमा राखेर विस्तृत अनुसन्धान गर्न माग गरिएको छ। संगठनले मन्त्री पदमा बहाल रहेको अवस्थामा अनुसन्धान प्रक्रियामा संलग्न हुनु स्वार्थको द्वन्द्व हुने भन्दै यसले प्राकृतिक न्यायको सिद्धान्तमा असर पार्ने तर्क गरेको छ। साथै पदमै रहँदा प्रमाण नष्ट हुन सक्ने तथा अनुसन्धानमा अवरोध पुग्न सक्ने जोखिम रहेको दाबी… पुरा पढौ

काठमाडौँ । श्रम संस्कृति पार्टीका अध्यक्ष हर्क साम्पाङले गृहमन्त्री सुधन गुरुङलाई राजीनामा दिएर पदबाट अलग हुन सुझाव दिएका छन्। काठमाडौँमा आयोजित पत्रकार सम्मेलनमा बोल्दै उनले हालको परिस्थितिलाई दृष्टिगत गर्दै जिम्मेवारीबाट बाहिरिएर मार्ग प्रशस्त गर्नु उपयुक्त हुने धारणा व्यक्त गरेका हुन्। सम्पत्ति शुद्धीकरणसम्बन्धी अनुसन्धानमा पक्राउ परेका व्यवसायी दीपक भट्टसँग साझेदारी रहेको विषय सार्वजनिक भएपछि गृहमन्त्री विवादमा परेका छन्। सोही प्रसंगमा टिप्पणी गर्दै साम्पाङले मन्त्रीप्रति विभिन्न प्रकारका चर्चा-परिचर्चा बारम्बार सुनिनु चिन्ताजनक भएको उल्लेख गरे। उनका अनुसार “हप्तामा पटक-पटक विभिन्न कुरा सुनिनु उचित… पुरा पढौ