काठमाडौँ। नेपाल कम्युनिष्ट पार्टी (एमाले) ले पार्टी अध्यक्ष केपी शर्मा ओलीको पक्राउको विरोधमा देशभर आन्दोलनका कार्यक्रम सार्वजनिक गरेको छ।
पार्टीको केन्द्रीय सचिवालय बैठकले विभिन्न चरणमा आन्दोलन सञ्चालन गर्ने निर्णय गरेको जानकारी महासचिव शंकर पोखरेल ले दिएका छन्। उनका अनुसार आन्दोलन चैत २४ गतेदेखि सुरु हुनेछ।
सो दिन देशभरका जिल्ला कमिटीमार्फत वृहत कार्यकर्ता भेला आयोजना गरिनेछ। त्यसपछि आन्दोलनलाई क्रमशः स्थानीय तह, वडा, प्रदेश र अन्ततः संघीय राजधानी केन्द्रित गर्ने योजना बनाइएको छ।
निर्धारित कार्यतालिकाअनुसार वैशाख ३ गते वडा तहमा भेला, वैशाख ७ गते प्रदेश राजधानीहरूमा प्रदर्शन तथा वैशाख १२ गते काठमाडौँमा केन्द्रित विरोध सभा आयोजना गरिने कार्यक्रम तय गरिएको छ।
